WordPress hostinqə necə qurulur: başlanğıc üçün təlimat

WordPress dünyada ən çox istifadə olunan sayt idarəetmə sistemidir. Korporativ sayt, bloq və hətta onlayn mağaza üçün uyğundur. Bu təlimatda WordPress-i hostinqə necə quraşdıracağınızı addım-addım izah edirik.

Başlamazdan əvvəl nə lazımdır?

• Domen — məsələn sirketim.az. Hələ yoxdursa, domen axtarışından başlayın.
• Hosting — PHP və MySQL dəstəkləyən web hosting paketi. Kiçik sayt üçün başlanğıc paket kifayətdir.
• Domenin DNS-i hostinqə yönləndirilmiş olmalıdır.

1-ci üsul: avtomatik quraşdırıcı ilə (5 dəqiqə)

Hosting panelinizdə tətbiq quraşdırıcısı (məsələn, Softaculous) varsa, bu ən sürətli yoldur:

1. Hosting panelinə daxil olun və WordPress tətbiqini tapın.
2. "Install" düyməsini basın.
3. Domeni seçin. Qovluq sahəsini boş saxlayın ki, sayt əsas ünvanda açılsın.
4. Sayt adını, admin istifadəçi adını və güclü şifrə yazın.
5. Quraşdırmanı tamamlayın — admin panel sirketim.az/wp-admin ünvanında olacaq.

2-ci üsul: əl ilə quraşdırma

1. wordpress.org saytından son versiyanı yükləyin.
2. Hosting panelində yeni MySQL verilənlər bazası və istifadəçi yaradın, istifadəçiyə bazaya tam icazə verin.
3. Faylları Fayl meneceri və ya FTP ilə public_html qovluğuna yükləyin.
4. Brauzerdə saytınızı açın — quraşdırma sehrbazı başlayacaq.
5. Baza adı, istifadəçi və şifrəni daxil edin, sonra sayt məlumatlarını doldurun.

Quraşdırmadan sonra mütləq edin

SSL sertifikatı (HTTPS)

Pulsuz SSL-i aktiv edin və Parametrlər → Ümumi bölməsində sayt ünvanını https:// ilə yazın. HTTPS olmadan brauzer "Not secure" xəbərdarlığı göstərir və Google sıralamada saytı aşağı salır.

Təhlükəsizlik

• admin istifadəçi adından istifadə etməyin.
• WordPress, mövzu və pluginləri vaxtında yeniləyin.
• Lazımsız pluginləri silin — hər plugin potensial təhlükədir.
• İki faktorlu girişi aktiv edin.

Sürət

• Keşləmə plugini quraşdırın.
• Şəkilləri yükləməzdən əvvəl kiçildin, WEBP formatından istifadə edin.
• Çox ağır mövzulardan çəkinin.

Ehtiyat nüsxə

Hostinqdə gündəlik backup olsa belə, böyük dəyişiklikdən əvvəl əl ilə nüsxə götürün.

Saytınız artıq başqa hostinqdədir?

WordPress saytını köçürmək üçün faylları və verilənlər bazasını yeni hostinqə daşımaq lazımdır. rag.az-da miqrasiyanı pulsuz edirik — sayt dayanmadan.